Dómkirkjan

Til hamingju með daginn kæru sjómenn. Falleg sjómannadagsmessa í dag í Dómkirkjunni. Níels Bjarki Finsen og Guðjón Arnar Elíasson lásu ritningarlestra í messunni í dag.

Laufey Böðvarsdóttir, 2/6 2024

Í vikunni fengum við góða gesti frá Færeyjum í heimsókn til okkar í Dómkirkjuna. Biskup Færeyinga Jógvan Friðriksson, prófastinn Ovi Brim, sr. Theodor Eli Dam Olsen og fleira gott fólk frá færeysku kirkjunni. Ovi Brim prófastur var með helgistund, séra Sveinn Valgeirsson lék á flygilinn og allir tóku undir í sálmasöngnum. Dásamlegur dagur með skemmtilegu fólki. Hjartans þakkir fyrir komuna kæru færeysku vinir

Laufey Böðvarsdóttir, 1/6 2024

Hátíðarmessa klukkan 11.00 í Dómkirkjunni á sjómannadaginn, Vígslubiskupinn í Skálholti, sr. Kristján Björnsson prédikar og séra Sveinn Valgeirsson sóknarprestur Dómkirkjunnar þjónar fyrir altari. Dómkórinn syngur undir stjórn Guðmundar Sigurðsson, dómorganista sem einnig leikur á orgelið. Dísella Lárusdóttir syngur einsöng. Níels Bjarki Finsen og Guðjón Arnar Elíasson lesa ritningarlestrana. Verið hjartanlega velkomin!

Laufey Böðvarsdóttir, 29/5 2024

Bach og bænastundir alla þriðjudaga í Dómkirkjunni.

Bæna-og kyrrðarstund í hádeginu á morgun, þriðjudag. Létt máltíð eftir stundina í safnaðarheimilinu. Bach tónleikar Ólafs Elíassonar kl. 20.00-20.30 öll þriðjudagskvöld.

Verið hjartanlega velkomin!

Laufey Böðvarsdóttir, 27/5 2024

Sunnudaginn 26. maí er messa klukkan 11.00. Séra Jón Ásgeir Sigurvinsson prédikar og þjónar fyrir altari. Guðmundur Sigurðsson dómorganisti og Dómkórinn.

Laufey Böðvarsdóttir, 21/5 2024

„Skín á himni skír og fagur/hinn skæri hvítasunnudagur.“

Á hvítasunnudag 19. maí er fermingarmessa klukkan 11.00 séra Sveinn Valgeirsson, Guðmundur Sigurðsson og félagar úr Dómkórnum. Annan í hvítasunnu er messa kl. 11.00 séra Sveinn Valgeirsson, Guðmundur Sigurðsson og Dómkórinn. Athugið að engin gjaldkylda í bílastæði á hvítasunnudag né annan í hvítasunnu. Verið hjartanlega velkomin!

Laufey Böðvarsdóttir, 18/5 2024

Dómkórinn fagnaði vel eftir fjölsótta og vel heppnaða tónleika sl. laugardag 11. maí í Hallgrímskirkju þar sem flutt voru verk eftir Arvo Pärt fyrir kór og orgel. Innilegar þakkir til allra sem á hlýddu. Á hljóðfærið lék Lára Bryndís Eggertsdóttir. Stjórnandi var Guðmundur Sigurðsson.

Laufey Böðvarsdóttir, 17/5 2024

Kæru vinir, alla þriðjudaga er bæna-og kyrrðarstund í hádeginu og létt máltíð í safnaðarheimilinu eftir stundina. Það er gott að koma í kirkjuna og gefa sér stund frá amstri hverdagsins. Hlusta, njóta og biðja.

Öll þriðjudagskvöld eru svo Bach tónleikarnir hans Ólafs Elíassonar. Þri-mið-og fimmtudaga er tíðasöngur klukkan 9. 15 með séra Sveini sem og klukkan 17.00 á fimmtudögum.

Vorferðin okkar er á fimmtudaginn austur á Eyrarbakka. Förum kl. 10 frá Perlunnni. Á föstudaginn er norsk messa klukkan 14.00. Séra Þorvaldur Víðisson prédikar og organisti er Kári Þormar.

Á hvítasunnudag 19. maí er fermingarmessa klukkan 11.00 séra Sveinn Valgeirsson, Guðmundur Sigurðsson og félagar úr Dómkórnum. Annan í hvítasunnu er messa kl. 11.00 séra Sveinn Valgeirsson, Guðmundur Sigurðsson og Dómkórinn. Athugið að engin gjaldkylda í bílastæði á hvítasunnudag né annan í hvítasunnu. Verið hjartanlega velkomin!

Laufey Böðvarsdóttir, 15/5 2024

Velkomin til messu í dag 12. maí klukkan 11.00. Séra Jón Ásgeir Sigurvinsson prédikar, Guðmundur Sigurðsson dómorganisti og félagar úr Dómkórnum leiða sönginn. Þökkum Dómkórnum fyrir dásamlega tónleika í Hallgrímskirkju í gær. Minnum líka á að Sálmabandið verður í Hjallakirkju klukkan 15.00 í dag.

Laufey Böðvarsdóttir, 12/5 2024

Habemus episkopum! Sr. Guðrún Karls Helgudóttir er nýkjörinn Biskup Íslands. Dómkirkjan í Reykjavík fagnar henni sem nýjum biskupi og óskum við sr. Guðrúnu hjartanlega til hamingju með kosninguna. Við hlökkum til samstarfsins.

Laufey Böðvarsdóttir, 8/5 2024

Miðvikudagur