Dómkirkjan

Bæna – og kyrrðarstund í hádeginu á morgun, þriðjudag kl. 12:10.
Að henni lokinni er haldið í safnaðarheimilið og snætt saman. Íslensk kjötsúpa á boðstólnum, hún á vel við á haustdögum sem þessum og gómsæt er hún . Hlökkum til að sjá ykkur. Fyrirbænaóskir má hringja inn í síma 520-9700.

Messa kl. 11 sunnudaginn 5. október. Séra Hjálmar Jónsson prédikar og þjónar fyrir altari. Margrét Hannesdóttir syngur einsöng, Dómkórinn og organisti er Kári Þormar. Sunnudagaskólinn á kirkjuloftinu í umsjón Ólafs Jóns og Sigga Jóns. Hlökkum til að sjá ykkur.

Opna húsið á morgun, fimmtudag kl. 13:30-15:30. Það verður notaleg kaffihúsastemmn­ing við Tjörnina, skemmtileg samvera og  gott meðlæti með kaffinu. Hlökkum til að sjá ykkur.

Sunnudaginn 5. október messa kl. 11 séra Hjálmar Jónsson prédikar og þjónar fyrir altari. Dómkórinn og organisti er Kári Þormar. Fræðandii og skemmtilegt barnastarf á kirkjuloftinu á sama tíma í umsjon Ólafs Jóns og Sigurðar Jóns. Verið velkomin

Nú er mikil gróska í Ungdóm-starfinu. Síðustu tvo þriðjudaga hafa ca. 20 unglingar mætt og það er mikið fjör í þeim glaða hópi. Tvær stúlkur sem fermdust síðast liðið vor létu sjá sig og ætla að halda áfram í vetur. Það er mikið gleðiefni og vonumst við til að sjá fleiri fyrrverandi fermingarbörn á þriðjudögum.

Í kvöld  verður Actionary-kvöld í Ungdóm. Samveran byrjar kl. 19:30, skipt verður í nokkur lið sem keppa sín á milli hvert þeirra sé best í að leika orð og uppgötva þau. Leikurinn er mjög líkur pictionary en í staðinn fyrir að teikna orð verður að leika það.

Í  kvöld rennur út skráningarfrestur fyrir Landsmót 2014. Þeir sem ætla að skrá sig þurfa að skila leyfisbréfi og 6000 kr. staðfestingargjaldi. Við stefnum á að fara með stóran hóp á mótið en það er alls engin skylda að fara. Nánari upplýsingar og leyfisbréf hér!

Við munum standa fyrir fjáröflun og þeir sem það vilja geta safnað fyrir öllu mótsgjaldinu.

Óli Jón og Siggi Jón