Dómkirkjan

Þann 4. október sem er 18. sunnudagur eftir þrenningarhátíð er messa kl. 11. Séra Sveinn Valgeirsson, prédikar og þjónar fyrir altari. Sunnudagaskólinn á kirkjuloftinu í umsjón Ólafs Jóns og Sigurðar Jóns. Dómkórinn syngur undir stjórn Kára Þormar, dómorganista. Verið hjartanlega velkomin.

Laufey Böðvarsdóttir, 2/10 2015

Gefandi og góð messa í Kolaportinu um liðna helgi. Sr. María Ágústsdóttir, séra Steinunn Arnþrúður Björnsdóttir og Ragnheiður Sverrisdóttir, djákni þjónuðu. Þorvaldur Halldórsson og Margrét Scheving spiluðu og sungu. Kolaportsmessurnar eru síðasta sunnudags hvers mánaðar, allir velkomnir.

Laufey Böðvarsdóttir, 2/10 2015

Páll Bergþórsson, veðurfræðingur verður gestur okkar á morgun, fimmtudag í Opna húsinu. Hann æltar að spjalla um Vínlandið góða og sýna myndir. Opna húsið er í safnaðarheimilinu Lækjargötu 14a frá kl. 13:30-15.30.

Laufey Böðvarsdóttir, 30/9 2015

Fermingarbarnaferðalag í Vatnaskóg 1-2 október

Við leggjum af stað kl. 16:00 frá Dómkirkjunni, Kirkjutorgi, og komum heim um kl. 16:00 daginn eftir.
Vinsamlegast látið Laufeyju vita, fyrir kl 16 miðvikudag, hvort þið komist með í ferðalagið, á netfangið laufey@domkirkjan.is.

Á miðvikudaginn var kom í ljós að skólasund sumra nemenda í Hagaskóla rekst á við fermingarfræðsluna. Verið er að vinna í því að leysa það mál og er sennilegt að við getum haldið okkar tíma. Næsta kennslustund verður því í dag miðvikudag 30. sept. kl.16:00.

Laufey Böðvarsdóttir, 30/9 2015

Bæna-og kyrrðarstund, Ungdóm og Bach á þriðjudegi.

í dag, þriðjudager bæna-og kyrrðarstund í hádeginu, súpa og kaffi í safnaðarheimilinu að henni lokinni. Klukkan 19:30-21:00 er Ungdóm í safnaðarheimilinu, skemmtilegt unglingastarf í umsjón Ólafs Jóns og Sigurður Jóns. Minni líka á að Ólafur Elíasson leikur tónlist Bach á flygilinn í Dómkirkjunni frá kl. 20:30-21:00 öll þriðjudagskvöld. Ókeypis aðgangur.
Hér koma nokkrar myndir frá kyrrðardegi Dómkirkjunnar sem var sl. laugardag. Kyrrðardagur er hvíldardagur, þar sem færi gefst að leita inn í hina góðu, umvefjandi kyrrð, sem veitir hjartanu hvíld, og styrkjast í trú og bæn. Karl Sigurbjörnsson, biskup, leiddi kyrrðardaginn og voru þátttakendur alsælir með daginn og héldu heim glaðir og endurnærðir.

Laufey Böðvarsdóttir, 29/9 2015

Hér eru nokkrar myndir frá messunni í dag. Hekla Sverrisdóttir og Thelma Yngvadóttir lásu ritningarlestrana, en þær fermast í Dómkirkjunni í vor. Einar Gottskálksson var meðhjálpari.

Laufey Böðvarsdóttir, 27/9 2015

Sjáumst á prjónakvöldi Dómkirkjunnar á morgun, mánudag kl. 19:00. Súpa, kaffi og súkkulaði. Auður Bergsteins ætlar að sýna okkur fallegt handverk sem hún hefur unnið. Allir velkomnir í safnaðarheimilið, Lækjargötu 14a. Hér er mynd frá prjónakvöldi síðastliðinn vetur.

Laufey Böðvarsdóttir, 27/9 2015

Við messu á morgun, sunnudag prédikar Karl Sigurbjörnsson, biskup. Hekla Sverrisdóttir og Thelma Yngvadóttir lesa ritningarlestrana, en þær fermast í Dómkirkjunni í vor. Sunnudagaskólinn á kirkjuloftinu í umsjón Ólafs Jóns og Sigurðar Jóns. Dómkórinn syngur undir stjórn Kára Þormar dómorganista. Verið hjartanlega velkomin, messan hefst klukkan 11:00.

Laufey Böðvarsdóttir, 26/9 2015

Sérlega skemmtileg ferð í gær í Strandarkirkju, í þessu líka dásamlega veðri. Karl, biskup var frábær fararstjóri og við fengum hlýjar móttökur og gómsætar veitingar í T-bæ. Hjartans þakkir fyrir samveruna. Minni á að á laugardaginn er kyrrðardagur í safnaðarheimili Dómkirkjunnar, messa kl. 11 á sunnudaginn í Dómkirkjunni og kl. 14 í Kolaportinu. Á mánudagskvöldið er prjónakvöld í safnaðarheimilinu kl. 19. Verið velkomin.

Laufey Böðvarsdóttir, 25/9 2015

Séra Sveinn er með erindi í Neskirkju á morgun, fimmtudag frá klukkan 18-20.

Á morgun 24. september í Neskirkju
„Munið hvað hann sagði ykkur.“ Biblían: Texti og túlkun. Kristin trú byggir á ritningum.

HVAÐ ER KRISTIN TRÚ?
UM KRISTNA TRÚ Í SÖGU OG SAMTÍÐ
Hvernig varð kristin trú til? Hver er Jesús, þessi sögulega persóna sem allt hverfist um og var tekinn af lífi í Jerúsalem? Hvernig stóð á því að hann varð Kristur í trúarjátningum kristninnar? Hvernig þróaðist kristin trú þegar horft er til trúarlegra athafna, skipulags og helgihalds? Hvernig var sambandi háttað við önnur samfélög á þeim slóðum þar sem kristin trú breiddist út? Hvernig birtist kristin trú á vorum dögum og hvað einkennir hana? Hvernig á kristin trú að vera?
Dómkirkjan og Neskirkja halda námskeið í haust þar sem reynt verður að svara spurningunni „Hvað er kristin trú?“. Kennt verður sjö fimmtudagskvöld frá kl. 18-20. Námskeiðið hefst 17. september og stendur út október. Einnig verður kennt einn laugardag frá kl. 10-14.Til hliðsjónar á námskeiðinu verður notuð bókin Hvað er kristin trú? Um kristna trú í sögu og samtíð, eftir Halvor Moxnes, prófessor við háskólann í Ósló. Moxnes er einn fremsti fræðimaður á svið biblíufræða á Norðurlöndum. Hvert kvöld byrjar með sameiginlegri máltíð.

Laufey Böðvarsdóttir, 23/9 2015

Sunnudagur