Dómkirkjan

 

Á þessum góða þriðjudegi er gott að njóta kyrrðar-og bænastundar í hádeginu í Dómkirkjunni. Góð máltíð hjá henni Ástu okkar í safnaðarheimilinu. Í kvöld eru Bach tónleikar Ólafs Elíassonar kl. 20.30. Verið velkomin.

Laufey Böðvarsdóttir, 15/8 2017

Messa 13. ágúst kl. 11

Hr. Karl Sigurbjörnsson biskup mun prédika og þjóna fyrir altari. Félagar úr Dómkórnum syngja og Kári Þormar leikur á orgelið. Næg bílastæði fyrir aftan alþingishúsið. Allir velkomnir!

 

Laufey Böðvarsdóttir, 12/8 2017

Karl Sigurbjörnsson, biskup prédikar og þjónar fyrir altari á morgun, sunnudag kl.11. Komdu fagnandi!

20708331_10209635328179334_5028611936423884937_n

Laufey Böðvarsdóttir, 12/8 2017

Fyrir okkur sem förum ekki út úr bænum um verslunarmannahelgina, er gott að koma til messu í Dómkirkjuna á sunnudaginn. Séra Ólafur Jón Magnússon prédikar og þjónar fyrir altari sunnudaginn 6. ágúst kl. 11. Lára Bryndís Eggertsdóttir er organisti og Anna Sigríður Helgadóttir syngur. Minnum á bílastæðin við Alþingi. Verið velkomin.

IMG_0460 IMG_3315 (1)

Laufey Böðvarsdóttir, 3/8 2017

Opið hús í Safnaðarheimilinu hefst þann 21. september. Þar verður sem fyrr fjölbreytt dagskrá, fræðandi og skemmtileg samvera. Byrjað er með veislukaffi kl. 13.30 og í framhaldi af því fyrirlestur til fræðslu og skemmtunar, og svo samræður á eftir. Að venju mun efnt til haustferðar opna hússins og verður hún fimmtudaginn 28. september

Laufey Böðvarsdóttir, 2/8 2017

Fermingarstarf Dómkirkjunnar hefst með fjölskylduguðsþjónustu sunnudaginn 3. september kl. 11.þar sem væntanleg fermingarbörn og foreldrar þeirra eru boðin velkomin til fermingarstarfa vetrarins.

Hvað getur maður vitað um Guð?

Hvað er trú?

Hver er ég?

Er tilgangur með lífinu?

Hvernig get ég haft góð áhrif á samfélagið sem ég lifi í?

Þetta eru stórar spurningar og ekkert víst að við getum svarað þeim í eitt skipti fyrir öll. En það getur verið gott og gagnlegt að velta þeim fyrir sér og það ætlum við að gera í fermingarfræðslu Dómkirkjunnar næsta vetur. Þar ert þú velkomin(n). Fermingarfræðsla vetrarins 2017-2018 hefst með messu þann 3. september kl. 11:00 og fundi með fermingarbörnum og forráðamönnum að messu lokinni.  Athugið að ekkert námskeið verður haldið vikuna fyrir upphaf grunnskólans líkt og verið hefur undanfarin ár en hins vegar munum við hittast vikulega í vetur. Þau börn sem hyggjast taka þátt í fermingarfræðslunni eru vinsamlegast beðin að skrá þátttöku sína á netfanginu kirkjan@domkirkjan.is Við hlökkum til að hitta ykkur í haust. Með góðri kveðju, prestarnir​

Laufey Böðvarsdóttir, 2/8 2017

Kvöldtónar í Dómkirkjunni á menningarnótt Álfheiður Erla Guðmundsdóttir sópran og Eva Þyri Hilmarsdóttir píanóleikari leiða áheyrendur í gegnum ljúfa tóna á tónleikum á Menningarnótt, laugardaginn 19. ágúst kl. 20:00 í Dómkirkjunni í Reykjavík. Á efnisskránni verða íslensk og þýsk sönglög en einnig ýmsar aríur og samsöngvar óperubókmenntanna. Auk Álfheiðar og Evu koma meðal annars fram Eyrún Unnarsdóttir sópran og Fjölnir Ólafsson baritón. Aðgangur er ókeypis. Verið hjartanlega velkomin á kvöldtóna í Dómkirkjunni

ÍS-póster

Laufey Böðvarsdóttir, 2/8 2017

Alltaf gaman að koma í miðborgina, blessuð blíðan í dag. Á sunnudaginn er messa kl. 11 í Dómirkjunni. Þá mun Karl Sigurbjörnsson, biskup prédika og þjóna fyrir altari. Félagar úr Dómkórnum og organisti er Kári Þormar. Minnum á bílastæðin gengt Þórshamri.

IMG_3278 IMG_3272

Laufey Böðvarsdóttir, 27/7 2017

Alta Capella & orgel – Siðbótartónleikar.

Pressebild-print-2-1
Sunnudaginn 23. júlí kl. 20-21.
Löngu gleymd hljóðfæri fá að hljóma í Dómkirkjunni á sérlegum siðbótartónleikum! Það er blásaratríóið Aelos frá Þýskalandi/Danmörku, ásamt orgelleikaranum Láru Bryndísi Eggertsdóttur (búsett í Danmörku), sem bjóða tónleikagestum í ferðalag allt aftur til 13. aldar og fram yfir siðaskipti. Aelos-hópurinn sérhæfir sig í flutningi tónlistar á upprunaleg hljóðfæri, og hann skipa Jens Bauer (Sackbut og sleðatrompet), Regine Häußler (sópran- og alt-shawm) og Ingo Voelkner (sópran- og alt-shawm). Blásturshljóðfærin sem leikið er á eru frá endurreisnartímabilinu: sleðatrompet er einn elsti forveri básúnunnar, sackbut mætti kalla endurreisnarbásúnu en shawm endurreisnaróbó. Milli verka verða hljóðfærin og tónlistin kynnt nánar. Á efnisskránni eru verk eftir tónskáld á borð við Walter, Frescobaldi, Sweelinck og Kleber. Aðgangseyrir 1500 krónur, ekki er tekið við kortum.

Laufey Böðvarsdóttir, 19/7 2017

Sunnudaginn 23. júlí er messa kl. 11. Séra Sveinn Valgeirsson prédikar og þjónar. Félagar úr Dómkórnum syngja og organisti er Kári Þormar. Minnum á bílastæðin gengt Þórshamri.

Laufey Böðvarsdóttir, 19/7 2017

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

Þriðjudagur

- 12:00 Hádegisbæn
Bach tónleikar 20.00-20.30

Dagskrá ...