Dómkirkjan

 

Safnaðarstarf

Fermingarstarf

Fermingarveturinn er tími fjölskyldunnar. Á fermingarvetri er tækifæri til að sameinast um hið heilaga, læra, biðja og eiga samfélag í kirkjunni og upplifa hátíðir hennar á sérstakan máta. Foreldrar og fjölskylda eru hvött til þátttöku í helgihaldi kirkjunnar á fermingarvetri barnsins. Með því að koma með foreldrum eða forráðamönnum sínum til helgihaldsins læra fermingarbörnin betur að njóta þátttöku í starfi kirkjunnar. Einnig er tilvalið að bjóða yngri systkinum, frænkum og frændum að koma með í sunnudagaskólann.

Fræðslukver, verkefni og spurningar.  Ýmsar aðrar heimildir eru einnig notaðar í fræðslunni. Auk fræðslunnar er lagt upp með að börnin taki þátt í tíu messum hið minnsta. Gjarnan fáum við góðar heimsóknir í fræðsluna, td frá presti innflytjenda, frá Hjálparstarfi kirkjunnar og fleirum.

Hvað getur maður vitað um Guð?

Hvað er trú?

Hver er ég?

Er tilgangur með lífinu?

Hvernig get ég haft góð áhrif á samfélagið sem ég lifi í?

Þetta eru stórar spurningar og ekkert víst að við getum svarað þeim í eitt skipti fyrir öll. En það getur verið gott og gagnlegt að velta þeim fyrir sér og það ætlum við að gera í fermingarfræðslu Dómkirkjunnar næsta vetur. Þar ert þú velkomin(n). Fermingarfræðsla vetrarins 2017-2018 hefst með messu þann 3. september kl. 11:00 og fundi með fermingarbörnum og forráðamönnum að messu lokinni.  Athugið að ekkert námskeið verður haldið vikuna fyrir upphaf grunnskólans líkt og verið hefur undanfarin ár en hins vegar munum við hittast vikulega í vetur. Þau börn sem hyggjast taka þátt í fermingarfræðslunni eru vinsamlegast beðin að skrá þátttöku sína á netfanginu kirkjan@domkirkjan.is Við hlökkum til að hitta ykkur í haust. Með góðri kveðju, prestarnir​

 

Æskulýðsstarf

Æskulýðsstarf Dómkirkjunnar hefur verið blómlegt um árabil. Dómkirkjan vill styðja við trúaruppeldi foreldra í sókninni með barna- og unglingastarfi fyrir alla aldurshópa.

Sunnudagaskóli er hvern sunnudag á kirkjuloftinu kl. 11 á meðan á messu stendur. Sunnudagaskólinn er opin öllum og geta foreldrar notið messunnar á meðan börnin taka þátt í sunnudagaskólanum.

Æskulýðsleiðtogar Dómkirkjunnar eru séra Ólafur Jón og Sigurður Jón háskólanemi. Þeir sjá um sunnudagaskólann.

Sunnudagaskólinn á kirkjuloftinu

Sunnudagaskóli Dómkirkjunnar er alla sunnudaga kl. 11 á kirkjulofti Dómkirkjunnar á meðan á messu stendur. Foreldrar geta því notið helgihaldsins á meðan börnin taka þátt í skemmtilegu starfi í sunnudagaskólanum. Á vefsíðunni www.barnatru.is eru ýmsar upplýsingar tengdar sunnudagaskólanum.
Starf fyrir þá sem eldri eru

Alla fimmtudaga frá 13:30-15:30 frá hausti fram á vor er opið hús í Safnaðarheimilinu. Margt er til gamans gert, fróðleiks og skemmtunar. Við förum í dagsferðir bæði vor og haust. Við hvetjum eldri borgara og aðra til að líta við. Engin þörf er á að láta skrá sig sérstaklega, bara kíkja inn og við tökum vel á móti þér. Alltaf eitthvað gott með kaffinu.

 

Kirkjustræti, 101 Reykjavík.. Sími 5209700 , fax 5209701 · Kerfi RSS