Fermingarveturinn er tími fjölskyldunnar. Á fermingarvetri er tækifæri til að sameinast um hið heilaga, læra, biðja og eiga samfélag í kirkjunni og upplifa hátíðir hennar á sérstakan máta. Foreldrar og fjölskylda eru hvött til þátttöku í helgihaldi kirkjunnar á fermingarvetri barnsins. Með því að koma með foreldrum eða forráðamönnum sínum til helgihaldsins læra fermingarbörnin betur að njóta þátttöku í starfi kirkjunnar.

Að hausti hefst fermingarfræðslan með nokkurra daga námskeiði. Vikulegir fræðslutímar eru einnig fram til áramóta. Fermingarhópurinn tekur þátt í æskulýðsmóti í febrúar. Fræðslutímarnir eru alla miðvikudaga kl. 15:40 í safnaðarheimilinu.

Fræðslukverið heitir ,,Líf með Jesú”, verkefni og spurningar eru unnin úr þeirri bók. Ýmsar aðrar heimildir eru einnig notaðar í fræðslunni. Auk fræðslunnar er lagt upp með að börnin taki þátt í tíu messum hið minnsta. Gjarnan fáum við góðar heimsóknir í fræðsluna, td frá presti innflytjenda, frá Hjálparstarfi kirkjunnar og fleirum. Reglulegir fundir með foreldrum og fermingarbörnum eru haldnir.