Dómkirkjan

Æskulýðsdagurinn 6. mars

Messa í Dómkirkjunni kl. 11.00

Kór Vesturbæjarskóla syngur undir stjórn Sigríðar Soffíu Hafliðadóttur. Undirleikari er Antonía Hevesi.
Fermingarbörnin taka á móti kirkjugestum. Þau lesa ritningarorð og flytja bænir. Ein úr hópi fermingarbarna vorsins, Melkorka Davíðsdóttir Pitt, flytur hugleiðingu.
Verið velkomin.
Prestarnir

Sunnudaginn 27. febrúar messar sr. Anna Sigríður Pálsdóttir kl. 11. Samkvæmt kirkjuárinu er þetta annar sd. í níuviknaföstu. Organisti er Kári Þormar. Dómkórinn syngur.

24. febrúar 1951 var minningarathöfn í Dómkirkjunni um þá sem fórust með flugvélinni Glitfaxa. Nú, réttum 60 árum síðar, verður bænastund í Dómkirkjunni, þar sem við tendrum ljós til minningar um þau sem fórust, biðjum, syngjum og hlýðum á tónlist. Bænastundin er fimmtudaginn, 24. febrúar og byrjar kl. 20.30

Verið velkomin

Sunnudagurinn 20.febrúar er fyrsti sunnudagur í níuviknaföstu. Messað verður kl. 11 og prédikar sr. Anna Sigríður Pálsdóttir, en sr. Hjálmar Jónsson þjónar fyrir altari.Kári Þormar leikur á orgelið og sönghópur úr Dómkórnum syngur. Fermingarbörn og foreldrar er sérstaklega boðin í þessa messu og eftir messuna verður stuttur fundur þar sem farið er yfir fermingarstörfin.Fermingarbörnin fara síðan á mánudag í Skálholt og dvelja þar mánudaginn.

Sunnudagurinn 13.febrúar er 6.sd. eftir þrettánda. Í messu kl. 11 prédikar sr. Hjálmar Jónsson og þjónar fyrir altari. Við fáum góða heimsókn,en kór Átthagafélags Strandamanna syngur í messunni. Lesarar eru Guðrún Steingrímsdóttir og Elva Rós Hrafnsdóttir. Stjórnandi kórsins er Krisztina Szklenár, Kári Þormar leikur á orgelið. Að lokinni messu er kaffi í safnaðarheimilinu.

Næsti sunnudagur, 6.janúar er 5.sd. eftir þrettánda samkvæmt kirkjuárinu. Kl. 11 þann dag  messar sr. Anna Sigríður Pálsdóttir. Dómkórinn syngur,organisti er Kári Þormar. Um leið og við bjóðum fólk velkomið til messunnar viljum við minna á bænastundir kl. 12.10 á þriðjudögum og svo kvöldkirkjuna kl. 20 á fimmtudögum.

Á sunnudaginn 30.janúar er messa kl. 11. Sr. Hjálmar Jónsson prédikar og þjónar fyrir altari. Dómkórinn syngur,organisti er Kári Þormar.

Næsta sunnudag þann 23. janúar er messað kl. 11 í Dómkirkjunni. Sr. Hjálmar Jónsson prédikar og þjónar fyrir altari. Dómkórinn syngur og Kári Þormar leikur á orgelið. Við fáum góða heimsókn þar sem skólakór Kársnesskóla syngur undir stjórn okkar ástkæru Þórunnar Björnsdóttur. Að lokinni messu er kirkjugestum boðið í messukaffi í safnaðarheimilinu.

Messur sunnudagsins eru tvær. Kl. 11 messar sr. Anna Sigríður Pálsdóttir. Dómkórinn syngur,organisti er Kári Þormar. Kl. 20 er síðan fyrsta æðruleysismessa ársins. sr.Karl V. Matthíasson prédikar en sr. Anna Sigríður Pálsdóttir  leiðir okkur í bæn. Þeir bræður Hörður og Birgir Bragasynir sjá um tónlistina að venju.

Sunnudaginn 9.janúar er messað kl. 11. Sr. Hjálmar Jónsson prédikar. Dómkórinn syngur og organisti er Kári Þormar. Sú venja hefur skapast kjá félögum í Rebekkustúkunni Sigríði IOOF, að koma til kirkju þennan sunnudag kirkjuársins. Þær munu að venju flytja ritningartexta dagsins. Við fögnum komu þeirra.

Í messunni verður frumfluttur nýr sálmur. Páll Ragnar Pálsson tónskáld hefur samið lag við texta sr. Hjálmars Jónssonar. Tui Hirv eiginkona Páls Ragnars  mun syngja sálminn sem sr, Hjálmar hefur nefnt “Við skírnarfontinn” en Tui sem er frá Eistlandi var einmitt skírð í Dómkirkjunni sl. vor.