Síðastliðinn vetur tóku nokkrar dómkirkjukonur sig til og byrjuðu á að hafa mánaðarleg prjónakvöld í safnaðarheimilinu. Þetta eru notalegar og skemmtilegar samverustundir, sem styrkja vináttubönd og samfélagið í söfnuðinum. Þau eru vinsæl, enda fáum við yfirleitt gest í heimsókn. Í janúar kom Pálína Sigurbergsdóttir og sýndi okkur sitt fallega handverk. Í kvöld 23. febrúar fáum við góðan gest, en það er Davíð Scheving Thorsteinsson. Ekki vitum við hvort hann sé með eitthvað á prjónunum, en öruggt er að frásögn hans kemur til með að kitla hláturtaugarnar. Létt máltíð við vægu verði. Hjartanlega velkomin í Safnaðarheimilið við Vonarstræti.

Laufey Böðvarsdóttir, 23/2 2015 kl. 8.44