Til barna sem fædd eru 2013 og foreldra/forráðamanna þeirra. Í september hefst fermingarfræðsla í Dómkirkjunni sem ætluð er börnum í 8. bekk sem eru að velta því fyrir sér eða hafa ákveðið að fermast vorið 2027 Fermingarstarfið stendur yfir næsta vetur og verður ítarleg dagskrá lögð fram í sumarlok. Farið verður í fermingarferð í Vatnaskóg í Svínadal ásamt börnum úr Nes-og Hallgrímssókn, en í Vatnaskógi hafa sumarbúðir KFUM verið reknar í heila öld. Þar mun fara fram í bland fræðsla, útivist og skemmtun og við munum án efa njótum dvalarinnar á undurfögrum stað sem er sérsniðinn að þörfum barna og ungmenna. Piltar fara í Vatnaskóg 11.-13. sept og stúlkur fara viku síðar 18.-20. sept. Kynningarfundur er sun. 30. ágúst kl. 17:00 í Dómkirkjunni. Dagskráin næsta vetur verður afar fjölbreytt en markmiðið er að veita börnunum fræðslu um kristna trú, siðferði og menningu. Þar má nefna: – Sögur Biblíunnar – Helgihaldið, sagan, táknin og tónlistin. – Lífsleikni – Mannréttindi – Umhverfisvernd – Þróunar-og hjálparstarf. Fyrirhugaðir fermingardagar vorið 2027 eru: pálmasunnudagur 21. mars kl. 11:00 hvítasunnudagur 16. maí kl. 11:00