Dómkirkjan

Píanóleikarinn Ólafur Elíasson leikur nokkrar af 48 prelódíum og fúgum Bachs á flygilinn í Dómkirkjunni öll þriðjudagskvöld.
Aðgangur ókeypis.

Um Ólaf Elíasson:
Ólafur var nemandi Rögnvaldar Sigurjónssonar píanóleikara á Íslandi en stundaði framhaldsnám fyrst í París hjá hinum heimsþekkta píanóleikara Vlado Perlemuter og síðar í Englandi, m.a. við konunglega tónlistarháskólann í London (Royal Academy of Music) þar sem hann lauk einleikaraprófi 1994.
Ólafur hefur haldið tónleika víða, bæði hérlendis og erlendis. Hann hefur leikið inn á nokkra geisladiska, meðal annars píanókonserta bæði eftir Bach og Mozart ásamt sinfóníuhljómsveitinni London Chamber Group og hafa þeir fengið frábæra dóma.
Ólafur hefur einnig leikið sem meðleikari með Sigurði Bragasyni baritón og hafa þeir haldið fjölda tónleika víða, og í sumum þekktustu tónleikahúsum heims svo sem Carnegie Hall í New York, Wigmore Hall í London og Kennedy Center í Washington. Washington Post sagði um leik Ólafs: ,,…að leikur hans væri bæði nákvæmur og líflegur!“
Síðustu ár hefur Ólafur einbeitt sér að verkum J.S. Bachs en hann hyggst hljóðrita allar prelódíur og fúgur Bachs á næstu árum.
Hægt er að hlusta á upptökur með píanóleik Ólafs á Soundcloud:

Hvítasunnudagur, hátíðarmessa og ferming kl. 11:00.
Fermd verða:
Einar Þórðarson, Hrafnhildur M. Marteinsdóttir, Mist Þrastardóttir, Salóme Júlíusdóttir og Sigríður Hagalín Pétursdóttir. Séra Hjálmar Jónsson og séra Sveinn Valgeirsson þjóna. Dómkórinn syngur undir stjórn Kára Þormar dómorganista. Á annan í hvítasunnu er messa kl. 11:00, þá prédikar séra Sveinn Valgeirsson, Dómkórinn syngur undir stjón Kára Þormar dómorganista.

Geir R. Tómasson, tannlæknir verður með hugleiðingu við messu kl. 11 á uppstigningardag. Uppstigningardagur er dagur aldraðra í kirkjum landsins. Geir mun fagna 99 ára afmæli í næsta mánuði. Séra Hjálmar Jónsson og séra Sveinn Valgeirsson þjóna. Dómkórinn og organisti er Kári Þormar. Messukaffi í safnaðarheimilinu við Vonarstræti. Hjartanlega velkomin.

17. maí verður Æðruleysismessa í Dómkirkjunni.
Það verður yndislegt að koma í fallegu Dómkirkjuna kl.20;00 á sunnudaginn.
Við fáum vitnisburð frá góðum félaga, yndislega prédikun og bænir. Tónlistin skipar sem fyrr veglegan sess. Æðruleysismessurnar fela ávallt í sér orð Guðs, kærleiksríka nærveru og nærandi frásögn einstaklings um eigið líf.
Við hlökkum mikið til þess að eiga þessa stund með þér.
Allir velkomnir.