Opna húsið á morgun fimmtudag í safnaðarheimilinu, Lækjargötu 14a. Karl Sigurbjörnsson, biskup mun fjalla um konur og kristnitökuna. Einnig mun Árni Heimir Ingólfsson, tónlistarfræðingur og listrænn ráðgjafi Sinfóníuhljómsveitar Íslands, segja frá og lesa úr nýrri bók sinni Tónlist liðinna alda, sem fjallar um tónlist á Íslandi fyrr á öldum og þau merkilegu handrit, sem varðveist hafa með tónlist. Terturnar hennar Ástu á sínum stað, góð og skemmtilega samvera. Verið velkomin og takið með ykkur gesti. Í dag, miðvikudag er örpílagrímaganga með séra Elínborgu, hefst með stuttri helgistund kl.18.00 í Dómkirkjunni. Hlökkum til að sjá ykkur!
Laufey Böðvarsdóttir, 6/11 2019 kl. 8.24
