GÓÐIR HÁLSAR Mókrókar bregða enn og aftur á leik í sumartónleikaröð sinni í miðbæ Reykjavíkur. HVAR? – Dómkirkjunni í Reykjavík, Kirkjustræti HVENÆR? – fim. 21. júní, kl 17:00 …og aðgangur er ókeypis! Á boðstólum verður splúnkunýr frumsaminn djass í huggulegri kantinum sem hljómsveitarmeðlimir hafa unnið að hörðum höndum undanfarnar tvær vikur. Þetta verða í raun ekki tónleikar heldur ferðalag. Lifandi spuni mun leiða hlustendur um hugarheim þessara ungu tónskálda. Áætlaður ferðatími er ein klukkustund og það eru engir neyðarútgangar. Mókrókar eru: Benjamín Gísli Einarsson – flygill & hljóðgervlar Tumi Torfason – trompet, rafbassi, hljóðgervill & konga-trommur Þorkell Ragnar Grétarsson – rafgítar Þórir Hólm Jónsson – trommur & gjallir Mókrókar starfa sem listhópur hjá Hinu húsinu í sumar og munu gæða götur Reykjavíkurborgar lífi með fjölbreyttum tónlistarflutningi. Auk þess spila þeir frumsamið efni á fernum stærri tónleikum í sumar.
Laufey Böðvarsdóttir, 20/6 2018 kl. 11.32
