Nú er bókin Dómkirkjan í Reykjavík III, Á aldahvörfum eftir sr. Jakob Ágúst Hjálmarsson komin úr prentun. Klukkan 12 í dag, föstudag afhendir séra Jakob bókina til þeirra sem hafa pantað (í safnaðarheimilinu, Lækjargötu 14a). Bókin er til sölu hjá okkur, verið velkomin. Það verður áhugavert og gaman að lesa bókina og við óskum séra Jakobi til hjartanlega til hamingju.

Dómkirkjan í Reykjavík III, Á aldahvörfum er 154 blaðsíður í pappírskilju, ríkulega prýdd myndum. Áherslan fyrst og fremst á starfinu í Dómkirkjunni og á vegum safnaðar hennar. Margt fólk hefur komið að þar við sögu og er sjálfsagt að hlut þess séu gerð skil, svo mjög sem allt það sem fram hefur farið hefur byggst á framlagi þess.