Séra Elínborg Sturludóttir, Lenka organisti, Dómkórinn og kór úr Landakotskirkju undir stjórn Dagnýjar Arnalds. Meðal annars söng barnakórinn lag sem nemendurnir; Ása, Birta og Sigga í Landakotsskóla sömdu. Fallegur texti og lag hjá þessum hæfileikaríkum stúlkum. Síðan bauð kirkjujunefnd kvenna Dómkirkjunnar uppá heitt súkkulaði og smákökur í safnaðarheimilinu. Þökkum ykkur öllum sem áttu þátt í að gera stundina svona hátíðlega og ykkur öllum sem komuð og nutuð með okkur. Hér er fallegur sálmur sem Gerður Kristný samdi og er nr. 420 í Sálmabókinni.

VERNDARVÆNGUR

Ljóð: Gerður Kristný. Lag: Bára Grímsdóttir

Angi hvílir undir sæng,

ennið skreytir lokkur.

Breiddu yfir verndarvæng,

vertu, Guð með okkur.

Þegar syrtir sálu í

svo að betur megum

vernda börnin brosmild, hlý,

það besta sem við eigum.

::Nú opna ég óðum gluggann minn,

engli blíðum hleypi inn,

engli blíðum hleypi inn::

Húsð sveipast helgum frið,

héluð borgin sofnar.

Á kerti núna kveikjum við,

kvöldsins birta dofnar.

Senn er komin niðdimm nótt,

næðir rok um hjarnið.

Engill flýgur ofurhljótt

yfir litla barnið.

::Nú opna ég óðum gluggan minn,

engli blíðum hleypi inn,

engli blíðum hleypi inn::