Jólin laða hugi og hjörtu unga sem gamalla að ljósinu sem á móti kemur. Í Dómkirkjunni eru þrjár guðsþjónustur á aðfangadag jóla. Dönsk messa kl. 15:00, séra Ragnheiður Jónsdóttir prédikar, Bergþór Pálsson syngur og Kári Þormar leikur á orgelið. Aftansöngur kl. 18:00, Séra Sveinn Valgeirsson prédikar og séra Elínborg Sturludóttir þjónar fyrir altari. Dómkórinn og organisti er Kári Þormar. Sveinn Birkisson og Jóhann Stefánsson leika á trompeta. Níu lestrar og jólasöngvar á jólanótt kl. 23:30. Þá verða fluttir 9 ritningarlestrar og jafnmargir jólasálmar sungnir. Guðsþjónustuformið er að enskri fyrirmynd, en allt frá 1918 hefur saga og undirbúningur fæðingar Krists verið flutt með þessum hætti í King´s College í Cambridge. Jóladagur 25. desember Hátíðarmessa kl.11.00 Biskup Íslands, Agnes M. Sigurðardóttir prédikar og séra Elínborg Sturludóttir þjónar fyrir altari. Annar dagur jóla 26. desember. Messa kl. 11.00. Séra Sveinn Valgeirsson, Dómkórinn og Kári Þormar. Minnum á bílastæðin við Alþingi. Guðþjónustur þar sem sálin fær næringu af boðskapnum um ljósið sem skín í myrkrinu og blessar líf og heim. Guð gefi ykkur öllum gleðileg jól!
Laufey Böðvarsdóttir, 23/12 2019 kl. 0.15
