Verið velkomin á tónleika með franskri tónlist í Dómkirkjunni á milli jóla og nýárs.

Flutt verða samspils- og einleiksverk fyrir sópran, þverflautu og píanó. Á dagskránni er tónlist eftir Ravel, Gaubert, Messiaen, Roussel, Fauré, Honegger og Martin.

Tríóið skipa:

Guðrún Brjánsdóttir, sópran
Herdís Ágústa Kristjánsdóttir Linnet, píanó
Kristín Ýr Jónsdóttir, þverflauta

Guðrún og Kristín eru í námi við Det Kongelige Danske Musikkonservatorium í Kaupmannahöfn og Herdís við Kungliga Musikhögskolan í Stokkhólmi. Tríóið þeirra var stofnað sumarið 2019 en leiðir þeirra lágu fyrst saman í Tónlistarskólanum í Reykjavík þar sem þær voru samferða í námi.

Aðgangseyrir er 2000 krónur fyrir almenna gesti, 1500 krónur fyrir námsmenn og eldri borgara og ókeypis fyrir börn yngri en 12 ára.

ATH. Því miður verður ekki greiðsluposi á staðnum en hægt er að borga með seðlum, leggja inná reikning eða nota Aur og Kass öppin.

Hlökkum til að sjá ykkur!

Laufey Böðvarsdóttir, 29/12 2019 kl. 13.23