Kvosin og fólkið sem er jarðsett í Víkurkirkjugarði

 

Jón segir frá þróun Reykjavíkur,Víkurkirkju og Víkurkirkjugarði. Síðan mun hann segja frá nokkrum þeirra sem grafnir eru í Víkurkirkjugarði svo sem Geiri góða biskupi Vídalín, systursyni Skúla fógeta, og konu hans Sigríði Halldórsdóttur, og frá Krüger apótekarahjónunum og örlögum þeirra.

 

Jón Hálfdanarson er fæddur 1947. Hann gekk í Miðbæjarskólann, Landsprófið í Vonarstræti og Menntaskólann í Reykjavík. Í landsprófi sat hann í hornstofunni á annari hæð þar sem nú er samkomusalur Safnaðarheimilis Dómkirkjunnar.  

Eftir stúdentspróf fór Jón til Þýskalands, lærði þar eðlisfræði og tók doktorspróf. 1978 réð hans sig til Íslenska járnblendifélagsins á Grundartanga og var þar forstöðumaður rannsókna. 1998-1999 var hann við Háskólann í Þrándheimi og vann þar að þróunarverkefnum á vegum Elkem. Á Grundartanga hætti hann 2003 og hefur síðan kennt við Háskóla Íslands og tekið að sér ráðgjafastörf í kísilmálm- og kísiljárniðnaði.

Jón er kvæntur Kristínu Steinsdóttur rithöfundi og eiga þau 3 uppkomin börn og 10 barnabörn. Síðustu mánuði hefur Jón skrifað greinar um Víkurkirkjugarð og beitt sér fyrir friðlýsingu hans alls.

Laufey Böðvarsdóttir, 26/3 2019 kl. 9.26