Til fermingarbarna vorið 2017 og forráðamanna þeirra.

Hvað getur maður vitað um Guð?

Hvað er trú?

Hver er ég?

Er tilgangur með lífinu?

Hvernig get ég haft góð áhrif á samfélagið sem ég lifi í?

Þetta eru stórar spurningar og ekkert víst að við getum svarað þeim í eitt skipti fyrir öll. En það getur verið gott og gagnlegt að velta þeim fyrir sér og það ætlum við að gera í fermingarfræðslu Dómkirkjunnar næsta vetur, auk margs annars.

Þar ert þú velkomin(n).

Fermingarfræðsla vetrarins 2016-2017 hefst með messu þann 4. september kl. 11:00 og fundi með fermingarbörnum og forráðamönnum að messu lokinni. Athugið að ekkert námskeið verður haldið vikuna fyrir upphaf grunnskólans líkt og verið hefur undanfarin ár en hins vegar munum við hittast vikulega í vetur.
Að öllum líkindum fer kennslan fram eftir skóla á miðvikudögum, en það verður þó kannað á haustfundinum hvort sá tími hentar börnunum best.

Fermt verður á pálmasunnudag, skírdag og hvítasunnu en þeir hátíðisdagar falla á 9. apríl, 13. apríl og 4. júní.

Þau börn sem hyggjast taka þátt í fermingarfræðslunni eru vinsamlegast beðin að skrá þátttöku sína á netfanginu

domkirkjan@domkirkjan.is

Við hlökkum til að hitta ykkur í haust.

Með góðri kveðju

Hjálmar Jónsson
Karl Sigurbjörnsson
Sveinn Valgeirsson

Laufey Böðvarsdóttir, 23/5 2016 kl. 16.41