Rakarakvartettinn Barbari býður ykkur hjartanlega velkomin á jólatónleika.

Einróma ánægja var með hlýja og hressilega tónleika í fyrra sem lentu á snjóþyngsta degi vetrarins. Barbari hefur beðið spenntur eftir því að geta flutt fyrir ykkur spennandi og hátíðlega dagskrá þar sem meginefnið eru bandarískir jólaslagarar.

Barbari er söngkvartett í fremsta flokki sem hefur verið starfræktur síðan 2013. Hópurinn sérhæfir sig í barbershop-tónlist sem einkennist af líflegum hljómagangi, þéttum samhljómi og miklum raddlegum tilþrifum.

Kvartettinn skipa Gunnar Thor Örnólfsson, Karl Hjaltason, Páll Sólmundur H. Eydal og Ragnar Pétur Jóhannsson

Tónleikarnir eru um 45 mínútur að lengd.

Aðgangur ókeypis fyrir 12 ára og yngri.