Kæru vinir, Matthías Harðarson er nýr dómorganisti, hann tekur til starfa á morgun 1. júlí. Við bjóðum hann hjartanlega velkominn og við bjóðum ykkur velkomin í bæna-og kyrrðarstund á morgun, þriðjudag kl. 12.00. Léttur hádegisverður og kaffi í safnaðarheimilinu eftir stundina. Við þökkum Lenku kærlega fyrir hennar starf, en hún hefur verið í hlutastarfi í nokkra mánuði. Sem og Pétri Nóa, Kára og Láru Bryndísi sem hafa leikið á orgelið undanfarið. Annað kvöld eru Bach tónleikar Ólafs Elíassonar kl. 20.00-20.30. Sunnudaginn 6. júlí sem er 3. sunnudagur eftir þrenningarhátíð er messa kl. 11.00. Séra Sveinn Valgeirsson, Matthías Harðarson dómorganisti og félagar úr Dómkórnum leiða sönginn. Kaffi og hressing eftir messuna. Komið fagnandi! Vers vikunnar: „Því að Mannssonurinn er kominn að leita að hinu týnda og frelsa það.“ (Lúk 19.10)
Laufey Böðvarsdóttir, 30/6 2025 kl. 12.29
