Í stað hefðbundinna jólatónleika boðar Hljómeyki til SAMSÖNGSTÓNLEIKA Á AÐVENTU í Dómkirkjunni í Reykjavík 19. desember kl. 21. Hljómeyki flytur áheyrendum nokkur falleg jólalög en einnig mun kórinn leiða jólalegan samsöng með tónleikagestum. Sungin verða lög sem flest kannast við – sérstaklega þau sem einhvern tíma hafa sungið í kór. Við bjóðum allt söngfólk sérlega velkomið og vonumst til að þau syngi okkur til samlætis. Stjórnandi Hljómeykis (og ykkar allra þetta kvöld) er Erla Rut Káradóttir. Öll velkomin! Aðgangur er ókeypis en kórinn tekur glaður við frjálsum framlögum
Laufey Böðvarsdóttir, 18/12 2022 kl. 16.41
