Nýársdagur 1. janúar 2023

Hátíðarguðþjónusta klukkan 11.00 Biskup Íslands frú Agnes M. Sigurðardóttir prédikar og séra Sveinn Valgeirsson þjónar fyrir altari. Guðmundur Sigurðsson organisti og Dómkórinn.

Barokksveit leikur tvö verk í hátíðarguðþjónustunni.

Flytjendur eru:

Sólveig Steinþórsdóttir, fiðla

Ísak Ríkharðsson, fiðla

Ásta Kristín Pjetursdóttir, víóla

Geirþrúður Anna Guðmundsdóttir, selló

Nicky Swett, selló

Halldór Bjarki Arnarson, semball

Tónleikar 2. janúar 2023

Barokkveisla nýja ársins

Barokktónleikar í Dómkirkjunni, 2. janúar 2023 kl. 20:00.

Þau Geirþrúður Anna Guðmundsdóttir, Sólveig Steinþórsdóttir, Ísak Ríkharðsson, Ásta Kristín Pjetursdóttir og Halldór Bjarki Arnarson eru orðin góðkunn íslenskum áheyrendum m.a. sem meðlimir kammersveitarinnar Elju, en hér koma þau saman í fyrsta sinn í nýrri uppstillingu með barokktónlist í forgrunni og leika verk eftir Corelli, Vivaldi og Leclair.

Ítalska tónskáldið Arcangelo Corelli hafði gríðarleg áhrif á barokktónlist á Ítalíu með sínum einfalda og hnitmiðaða stíl sem þrátt fyrir það bjó yfir ótrúlegum sprengikrafti. Hér má heyra fjölbreytta flóru verka sem samin eru í kjölfarið á þessum stíl, sem þróaðist hratt og færðist brátt út fyrir landsteinana. Í þessum sjaldheyrðu tónlistarperlum barokksins má greina sameiginlegan undirtón, en á sama tíma einstakan persónuleika hvers tónskálds.

Flytjendur:

Sólveig Steinþórsdóttir, fiðla

Ísak Ríkharðsson, fiðla

Ásta Kristín Pjetursdóttir, víóla

Geirþrúður Anna Guðmundsdóttir, selló

Nicky Swett, selló

Halldór Bjarki Arnarson, semball

Almennt miðaverð er 3.500 kr. en 2.000 kr. fyrir námsmenn. Tónleikarnir eru styrktir af Tónlistarsjóði RANNÍS.