Dómkirkjan

Bæna- og kyrrðarstund í dag kl. 12:10-12:30. Linsubaunasúpa að hætti Daddýjar í safnaðarheimilinu að bænastund lokinni. Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.

Kæru foreldrar og forráðamenn fermingarbarna

Í kvöld verður skemtileg partí-útgáfa af „Hver er maðurinn?“ leiknum! Allir unglingarnir eru hvattir til að koma ;)

ATH! Skráning á Febrúarmót er í fullum gangi og síðasti skráningardagur er 5. febrúar. Sniðugt er að skila leyfisbréfi og 1200 kr staðfestingargjaldi á næstu Ungdóm-samveru. Allir foreldrar ættu að hafa fengið tölvupóst með upplýsingum um fjáröflun en panta þarf vörurnar í síðasta lagi 3. febrúar með því að senda tölvupóst til Óla Jóns (olafurjm@gmail.com)

Kær kveðja

Óli Jón og Siggi Jón

Barnastarf kirkjunnar er útrétt hönd til þeirra foreldra og uppalenda sem vilja að börn þeirra fræðist um Jesú, um bæn og um okkar kristna trúararf. Í Dómkirkjunni er barnastarf á hverjum sunnudagsmorgni og hefst kl. 11 árdegis. Börnin koma í kirkjuna og taka þátt í upphafi messu en fara síðan í fylgd fræðara upp á kirkjuloftið þar sem þau eiga sína samveru, sögur, söng og leiki. Tveir ungir menn, Ólafur Jón Magnússon og Sigurður Jón Sveinsson annast barnastarfið af mikilli prýði. Það er ljóst að þeim tækifærum fækkar þar sem börn fá til að kynnast trú og kirkju. Barnastarf kirkjunnar er mikilvægt svar við því.

Messa kl. 11 sr. Karl Sigurbjörnsson, biskup prédikar og þjónar fyrir altari. Dómkórinn og organisti er Kári Þormar. Barnastarf á kirkjuloftinu á sama tíma í umsjón Ólafs Jóns og Sigurðar Jóns, skemmtilegt starf, leikir og fræðsla fyrir börn á öllum aldri.
Messukaffi í safnaðarheimilinu Lækjargötu 14a. Hjartanlega velkomin.

Á morgun, fimmtudag fáum við góðan gest í opna húsið í safnaðarheimilinu, en það er Þór Magnússon, fyrrverandi þjóðminjavörður. Þór ætlar að segja okkur frá einhverju skemmtilegu og áhugaverðu. Kaffi og ljúffengt meðlæti að hætti Dagbjartar. Opna húsið er frá 13:30-15:30.

Prjónakaffi í kvöld, þriðjudagskvöld 28. janúar kl. 19:00 Lækjargötu 14a.
Súpa, brauð og kaffi á góðu verði.
Listakonan Arndís Sigurbjörnsdóttir sýnir okkur margt fallegt sem hún hefur gert.
Allir velkomnir, karlar, konur, ungir sem aldnir. Það þarf ekki að hafa neitt á prjónunum, bara mæta, því maður er manns gaman
Hjartanlega velkomin.

Sr. Karl Sigurbjörnsson leiðir bænastundina í dag. Léttur hádegisverður í safnaðarheimilinu eftir bænastundina. Verið velkomin.