Dómkirkjan

Sveinn Einarsson, fyrrverandi leikhússtjóri kemur í opna húsið á morgun og segir okkur frá Guðmundi Kamban. Dagbjört sér um að við fáum eitthvað gott með kaffinu. Opna húsið er frá 13:30-15:30.  Það er alltaf notalegt að hittast hérna í fallega safnaðarheimilinu við Tjörnina, hitta gott fólk, fræðast og njóta góðra veitinga. Hlökkum til að sjá ykkur.

Bæna-og kyrrðarstund á morgun, þriðjudag kl. 12:10. Séra Karl Sigurbjörnsson leiðir stundina. Léttur hádeigisverður að bænastund lokinni.
Athugið að bænastundin verður í safnaðarheimilinu á morgun, ekki í kirkjunni.

Þriðjudagskvöldið 25. febrúar kl. 19 verður prjónakvöld í safnaðarheimili Dómkirkjunnar, Lækjargötu 14a. Súpa, og kaffi á vægu verði.

Séra Karl Sigurbjörnsson, biskup verður gestur okkar og segir okkur frá ýmsu skemmtilegu, sem og  handverki móður sinnar  frú Magneu Þorkelsdóttur. Magnea Þorkelsdóttir var mikil hannyrðakona og urðu mörg listaverk til í höndum hennar. Hún saumaði fjölda þjóðbúninga bæði á sig og afkomendur sína. Allir velkomnir, karlar, konur, ungir sem aldnir. Það þarf ekki að hafa neitt á prjónunum, bara mæta, því maður er manns gaman ;-)

Hjartanlega velkomin.

Kolaportsmessa kl. 14 séra Anna Sigríður Pálsdóttir og séra Irma Sjöfn Óskarsdóttir þjóna. Þorvaldur Halldórsson og Margrét Scheving sjá um tónlistarflutning.

Séra Karl Sigurbjörnsson prédikar og séra Anna Sigríður Pálsdóttir þjónar fyrir altari. Skemmtilegt barnastarf á kirkjuloftinu á sama tíma í umsjón Ólafs Jóns og Sigurðar  Jóns. Dómkórinn og organisti er Kári Þormar. Eftir messu er fundur og fræðsla með ferningarbörnum og forráðamönnum þeirra í safnaðarheimilinu, Lækjargötu 14a.

Í dag 20. febrúar verður ekki áður auglýst hláturjóga, það verður seinna í vor. Þess í stað fáum við gott kaffi og meðlæti hjá Dagbjörtu, sannkölluð kaffihúsastemmning við Tjörnina. Síðan ætlum við að þiggja boð Guðrúnar Gísladóttur á Grund og fjölmenna á sýningu Arndísar Sigurbjörnsdóttur, listakonu í hátíðarsal Grundar.

Fimmtudaginn 20. febrúar verður haldin sýning í hátíðasal Grundar  á handunnum  munum eftir listakonuna Arndísi Sigurbjörnsdóttur.  Hún saumar og prjónar allt sem nöfnum tjáir að nefna, álfa, tröll og allskyns furðufígúrur, veski, tertur, ávexti og myndir. Sjón er sögu ríkari. Sýningin verður í hátíðasal frá kl. 13:00 -17:00 og gestum verður boðið upp á kaffisopa. Allir hjartanlega velkomnir. Ókeypis aðgangur.

Bæna-og kyrrðarstund í hádeginu í dag kl. 12:10-12:30. Ljúffengur hádegisverður í safnaðarheimlinu, Lækjargötu 14a að bænastund lokinni. Það er ljúft að eiga góða samverustund í Dómkirkjunni og koma endurnærð út í amstur dagsins. Hjartanlega velkomin.

Í gær, 16. febrúar, lásu þær  mæðgur Agnes Guðrún Magnúsdóttir og Ragna Árnadóttir  ritningarlestrana. 

Hér eru þær ásamt sr. Karli Sigurbjörnssyni, biskup að lokinni fallegri messu á þessum sólríka vetrardegi.

Á  morgun, sunnudaginn 16. febrúar, sem er fyrsti sunnudagur í níuviknaföstu, er messa og barnastarf  kl. 11:00. Séra Karl Sigurbjörnsson, biskup prédikar og þjónar fyrir altari. Mæðgurnar Agnes Guðrún Magnúsdóttir og Ragna Árnadóttir lesa ritningarlestrana. Sönghópurinn Boudoir syngur undir stjórn Julian Hewlett, organista. Skemmtilegt og fræðandi barnastarf á kirkjuloftinu á sama tíma í umsjón Ólafs Jóns og Sigurðar Jóns. Hjartanlega velkomin.

Æðruleysismessa kl. 20:00  sr. Anna Sigríður Pálsdóttir og sr. Karl V. Matthíasson þjóna. Falleg tónlist, prédikun, og bæn.  Þórir leikur á flygilinn. Hjartanlega velkomin.

Æðruleysismessa  sunnudagskvöld kl 20:00.  Falleg tónlist, predikun, og bæn.

Sr. Anna Sigríður og sr. Karl Matthíasson þjóna.

Hjartanlega velkomin.