Dómkirkjan

 

Áramót

Á gamlársdag er aftansöngur kl. 18 í Dómkirkjunni. Sr. Anna Sigríður Pálsdóttir prédikar,sr. Hjálmar Jónsson þjónar fyrir altari. Dómkórinn syngur,organisti er Kári Þormar.

Á nýársdag er hátíðarmessa kl. 11. Biskup Íslands , sr.Karl Sigurbjörnsson prédikar en Dómkirkjuprestar þjóna fyrir altari. Dómkórinn syngur undir stjórn Kára Þormars. Messunni er að venju útvarpað.

Ástbjörn Egilsson, 28/12 2011

Messur um jól

Helgihald í Dómkirkjunni er með hefðbundnum hætti um jól og áramót. Á aðfangadag 24. desember er dönsk messa kl. 15.00. Þar messar sr. Þórhallur Heimisson og Kári Þormar leikur á orgelið. Bergþór Pálsson syngur einsöng.

Kl. 18.00 er aftansöngur sem er að venju útvarpað. Sr. Hjálmar Jónsson prédikar en sr. Anna Sigríður Pálsdóttir þjónar fyrir altari. Dómkórinn syngur undir stjórn Kára Þormars sem einnig leikur á orgelið. Einsöng í messunni syngur Gissur Páll, en einnig leika tveir trompetleikarar.

Kl. 23.30 er kvöldmessa þar sem biskup Íslands, sr. Karl Sigurbjörnsson prédikar og þjónar fyrir altari. Hamrahlíðarkórinn syngur undir stjórn Þorgerðar Ingólfsdóttur. Organisti er Kári Þormar.

Á Jóladag er messa kl. 11 sr. Anna Sigríður Pálsdóttir prédikar og sr. Hjálmar jónsson þjónar fyrir altari.

Á annan dag jóla er einnig messa kl. 11. sr. Hjálmar Jónsson prédikar og þjónar fyrir altari. Tvö börn verða borin til skírnar. Kári Þormar leikur á orgelið og Dómkórinn syngur.

Ástbjörn Egilsson, 21/12 2011

Fjórði sunudagur í aðventu

Sunnudagurinn 18. desember er fjórði sunnudagur í aðventu. Kl. 11 er norsk messa þar sem sr. Hjálmar Jónsson prédikar. Kári Þormar leikur á orgel og Dómkórinn syngur. kl. 13.30 er síðan þýsk messa. Sr. Gunnar Kristjánsson prófastur prédikar. Organisti er Kári Þormar. Síðasta æðruleysismessa ársins er  kl. 20. Sr. Anna Sigríður Pálsdóttir prédikar en sr, Hjálmar Jónsson og sr. Karl V. Matthíasson þjóna fyrir altari . Bræðrabandið ,Hörður og Birgir Bragasynir sjá um tónlistina að venju en Margrét Kristín Blöndal (Magga Stína) syngur.

Ástbjörn Egilsson, 14/12 2011

Þriðji sunnudagur í aðventu

Næsti sunnudagur er þriðji sunnudagur í aðventu. Kl.11 er messa í Dómkirkjunni þar sem sr. Anna Sigríður Pálsdóttir prédikar og sr. Hjálmar Jónsson þjónar fyrir altari. Dómkórinn syngur,organsti er Kári Þormar. Tvö börn verða borin til skírnar í messunni. Sunnudagaskólinn er á sínum stað á kirkjuloftinu. Kl. 20 er Kvennakirkjan með sína árlegu aðventumessu í Dómkirkjunni.

Ástbjörn Egilsson, 9/12 2011

Dagskrá á dánardegi Jóns Sigurðssonar 7. desember

Stofnun Árna Magnússonar í íslenskum fræðum, Dómkirkjan í Reykjavík og afmælisnefnd Jóns Sigurðssonar kynna dagskrá á dánardegi Jóns Sigurðssonar 7. desember.

10:30-13:00 Jón Sigurðsson og bláu miðarnir. Málþing Stofnunar Árna Magnússonar um

fræðastörf Jóns Sigurðssonar, haldið í fyrirlestrasal Þjóðminjasafns.

Bragi Þ. Ólafsson: Handritasöfnun Jóns Sigurðssonar.

Margrét Gunnarsdóttir: Ingibjörg, ungmennin og handritasöfnun Jóns.

Már Jónsson: Handritaskrásetjarinn Jón. Ritun efnisyfirlita á blá blöð.

Sigríður Hjördís Jörundsdóttir: Héðan og þaðan: Um samtíningshandritið JS 149 fol.

Sverrir Tómasson: Jón og Konráð: Tveir lærisveinar Madvigs.

13:30-14:30 Tónlistin úr útför Jóns Sigurðssonar og Ingibjargar Einarsdóttur 1880 flutt

í Dómkirkjunni.

Lesa áfram …

Ástbjörn Egilsson, 6/12 2011

Annar sunnudagur í aðventu

Næsti sunnudagur 4. desember er annar sunnudagur í aðventu. Messað verður kl. 11 að venju. Sr. Anna Sigríður Pálsdóttir prédikar og sr. Hjálmar Jónsson þjónar fyrir altari. Dómkórinn syngur og organisti er Kári Þormar. Að venju er sunnudagskólinn á kirkjuloftinu meðan á messu stendur.

Ástbjörn Egilsson, 1/12 2011

Fyrsti sunnudagur í aðventu

Næst sunnudagur er fyrsti sunnudagur í aðventu og hefst þar með nýtt kirkjuár. Í dómkirkjunni verða tvær messur auk aðventukvölds. Kl. 11 messar sr. Hjálmar Jónsson. Dómkórinn syngur,organisti er Kári Þormar. Sunnudagaskólinn er á sínum stað og munu börnin kveikja á fyrsta kertinu í aðventukransinum áður en þau fara upp á kirkjuloft með leiðtogunum. Kl. 14 er svo sænsk messa þar sem sr. Guðrún Karlsdóttir prédikar og þjónar fyrir altari.

Kl. 20 er aðventukvöld Dómkirkjunnar. Ræðumaður kvöldsins er Halldór Blöndal fyrrv. ráðherra. Dómkórinn syngur og Kári Þormar leikur á orgelið og stjórnar. Einsöng syngur Alexandra Chernyshova. Sr. Hjálmar Jónsson leiðir þessa stund og flytur lokabæn. Að lokinni stundinni í kirkjunni er messukaffi í boði kirkjunefndar kvennar.

Ástbjörn Egilsson, 24/11 2011

Kjartan Sigurjónsson á Tónlistardögum Dómkirkjunnar.

Kjartan Sigurjónsson heldur orgeltónleika í Dómkirkjunni þriðjudagskvöldið 22.júlí.
Á efnisskránni eru Gotnesku svítan eftir Böellmann og Fantasía og fúga eftir Bach. Auk þess leikur hann verk eftir Clérambault og Sweelinck.
Kjartan Sigurjónsson stundaði orgelnám hjá dr. Páli Ísólfssyni við Tónlistar-skólann í Reykjavík á árunum 1958-66. Jafnframt var hann í píanónámi hjá frú Annie Leifs. Á árinu 1984 var hann við orgelnám hjá próf. Gerhard Dickel í Hamborg og hefur auk þess sótt námskeið hjá Dame Gillian Weir og fleiri organistum.
Kjartan var organisti við eftirtaldar kirkjur: Kristskirkju í Landakoti 1958-66, kirkju Óháða safnaðarins í Reykjavík 1963-1966, kirkjur í Reykholtsprestakalli í Borgarfirði 1967-75, Ísafjarðarkirkju 1976-85, Kópavogskirkju 1985-87, Seljakirkju í Reykjavík 1987-97 og Digraneskirkju í Kópavogi frá 1997. Hann lét af störfum vorið 2010 fyrir aldurs sakir.
Hann var formaður Félags íslenskra organista frá árinu 1990 til 2004, og var kjörinn heiðursfélagi félagsins þegar hann hætti formennsku. Kjartan átti sæti í norræna kirkjutónlistarráðinu. Hann var forseti þess 1990-1992 og gegndi því starfi í annað sinn frá 2008.
Kjartan hefur haldið fjölda orgeltónleika bæði hér heima og erlendis. Hann gaf út hljómdiskinn „Orgelverk aldinna meistara“ 2001 og annan disk með orgeltónlist í tilefni af sjötugsafmæli sínu árið 2008.

Tónleikarnir hefjast kl.20.00

Ástbjörn Egilsson, 21/11 2011

Sunnudagur 20. nóvember

Næsti sunnudagur er síðasti sunnudagur kirkjuársins,en næsti sunnudagur er fyrsti sunnudagur í aðventu og fyrsti sunnudagur nýs kirkjuárs. Tvær messur verða í Dómkirkjunni. Kl. 11 messar sr. Jakob Ágúst Hjálmarsson. Dómkórinn syngur,organisti er Kári Þormar. Sunnudagskólinn er á sínum stað kl. 11 einnig.

Kl. 20 er síðan æðruleysismessa og þar flytur Karl V. Matthíasson hugleiðingu, en sr. Jakob Ágúst leiðir stundina. Bræðrabandið sér um tónlistina en við fáum sem einsöngvara Karen Þráinsdóttur.

Ástbjörn Egilsson, 18/11 2011

Tónleikar Dómkórsins á sunnudaginn

Tónlistardagar Dómkirkjunnar 2011
Ný, íslensk messa frumflutt

Tónlistardagar Dómkirkjunnar hafa verið fastur liður í menningarlífi Reykvíkinga á haustdögum allt frá árinu 1982, en Dómkórinn, nú undir stjórn Kára Þormars dómorganista, hefur haft veg og vanda af skipulagningu og rekstri þeirra. Einn af föstum liðum Tónlistardaganna er flutningur á verki sem Dómkórinn pantar hjá íslensku eða erlendu tónskáldi.
Nú er komið að flutningi nýs tónverks ársins en kórtónleikar Dómkórsins verða í Neskirkju sunnudaginn 20. nóvember kl. 20. Þar verður frumflutt messa eftir Egil Gunnarsson, fyrir kór og tíu manna hljómsveit. Messan er í fimm köflum með hefðbundnum texta. Auk þess flytur kórinn verk eftir Þorkel Sigurbjörnsson, Martein H. Friðriksson, Önnu S. Þorvaldsdóttur og Báru Grímsdóttur.
Á þriðjudagskvöld heldur Kjartan Sigurjónsson orgeltónleika í Dómkirkjunni þar sem hann leikur Gotnesku svítuna eftir Böellmann og Fantasíu og fúgu eftir Bach.

Ástbjörn Egilsson, 18/11 2011

Kirkjan er opin alla virka daga frá 10-16

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Trú.is

 

Kirkjustræti, 101 Reykjavík.. Sími 5209700 , fax 5209701 · Kerfi RSS