Kristin íhugun og námskeið í Dómkirkjunni

Íhugun hefur verið mikilvægur þáttur í andlegri iðkun og trúaruppbyggingu kristina manna allt frá upphafi og þeir hafa iðkað bænahald sitt og íhugun eftir ýmsum leiðum.

Á 17. öld hvarf íhugunin að miklu leiti út úr trúariðkun kristinna, en á 20 öld, í kjölfar þess að menn og konur á vesturlöndum fóru að leita til Indlands og annarra austrænna landa til að læra íhugun,  vaknaði aftur áhugi fyrir því endurheimta þennan dýrmæta kristna arf.

Ein af þeim aðferðum sem þá öðlaðist aftur líf er „centering prayer“. Þessi aðferð byggir á fornri hefð sem lýst er í bókinni: “The Cloud of Unknowing” sem skrifuð var af óþekktum enskum munki á 14. öld.

Centering prayer er nútíma heiti yfir þá aðferð sem Jesús átti við þegar hann talaði um “að biðjast fyrir” í Fjallræðunni. Þar segir hann: “nær þú biðst fyrir, skaltu ganga inn í herbergi þitt, loka dyrunum og biðja föður þinn sem er í leynum...”(Matt.6.6)

Faðir Thomas Keating, fyrrverandi ábóti í Trappistaklaustrinu Snowmass í Colorado, hefur um langt árabil lagt  hart að sér að endurvekja þessa fornu hefði, kynna hana og kenna. Hann kom til Íslands árið 2000 og kynnti þá centering prayer á námskeiði í Skálholti.

Centering prayer eða kyrrðarbæn eins og hún er oft nefnd á íslensku, er einstök og persónuleg leið eða aðferð sem býr okkur undir það að opna huga okkar og hjarta frammi fyrir Guði. Centering prayer er ekki ætlað að koma í stað annarra bæna, í bæninni biðjum við ekki um eitthvað sérstakt, reynum ekki að leita úrlausna, spyrjum ekki spurninga, né heldur notum við bænina sem slökunaraðferð.

Í centering prayer sýnum við fyrst og fremst vilja til þess að hvíla í nærveru Guðs og leyfa kærleika hans að verka innra með okkur. Sá ásetningur okkar að hvíla í faðmi Guðs og ástundun þessarar bænar getur með tímanum opnað augu okkar, skerpt athygli okkar og gert okkur næmari fyrir því að skynjum nærveru Guðs í öllum aðstæðum, á öllum tímum og í allri sköpun hans.

Centering prayer er áreynslulaus nálgun við Guð, þar sem orð eru óþörf. Bænin byggir á orðlausri nálgun, Þjálfunin felst síðan í því að beita einfaldri aðferð til að leiða hjá sér þær truflanir sem að kunna að leita á hugan þann tíma sem bænin stendur yfir. Þetta er eitt einfaldasta form íhugunarbænar sem um getur og því geta allir lært að stunda þessa íhugunar aðferð.

Í bæninni styrkjum við vitundarsamband  okkar við Guð og þar með tengsl okkar við hann. Einmitt fyrir það hefur þessi íhugunar aðferð orðið vinsæl meðal þeirra sem stunda AA prógramið, þá er hún kenndi við 11. sporið.

Frá og með fimmtudeginum  4. mars ætlum við að bjóða ykkur að kynnast centering prayer og við ætlum að tengslum þessa íhugun við kvöldkirkjuna.  Við bjóðum þeim sem hafa áhuga fyrir að kynnast þessari íhugunaraðferð, að ganga með okkur upp á kirkjuloftið eftir fyrri bæn kvöldkirkjunnar sem að er kl. 20.30. Þar munum við kynna þessa fornu íhugunaraðferð og íhuga um stund.