Fermingarveturinn er tími fjölskyldunnar. Við leggjum áherslu á það í Dómkirkjunni að fjölskyldan taki þátt í helgihaldi kirkjunnar á fermingarvetri barnsins.

Á fermingarvetri er tækifæri til að sameinast um hið heilaga, læra, biðja og eiga samfélag í kirkjunni og upplifa hátíðir hennar á sérstakan máta. Við hvetjum ykkur fjölskylduna því til þátttöku.

Með því að koma með foreldrum eða forráðamönnum sínum til helgihaldsins læra fermingarbörnin betur að njóta þátttöku í starfi kirkjunnar.

Fermingarfræðslan hefst með messu og fundi prestanna með fermingarbörnum og foreldrum sunnudaginn 6. september kl. 11 í Dómkirkjunni.

Fræðslutímar verða síðan á miðvikudögum kl. 15:40-17:00. Fræðslan fer fram í Safnaðarheimili Dómkirkjunnar við Lækjargötu 14a.    

Fermingarbarnaferð verður farin í Vatnaskóg dagana 18.-19. september.

Fræðslufundir og samverur fermingarbarna og foreldra verða einnig á dagskránni. Kvöldkirkjubíó verður einu sinni í mánuði yfir háveturinn. Æskulýðsstarfið verður einnig á sínum stað með viðburðum, samverum og ferðum.

Vinsamlegast skilið skráningarblaðinu vandlega útfylltu inn til okkar sem fyrst eða skráið þátttökuna rafrænt með tölvupósti á netfangið domkirkjan@domkirkjan.is .

Ef þið hafið spurningar hringið þá í kirkjuna í síma  520-9700  eða hafið samband við undirrituð.

Með góðri kveðju og blessunaróskum,

Sr. Hjálmar Jónsson hjalmar@domkirkjan.is

Sr. Anna Sigríður Pálsdóttir annasigridur@domkirkjan.is