Dómkirkjan

 

Dúóið Ýr og Agga boðar til lokatónleika í Dómkirkjunni kl. 13 þriðjudaginn 18. júlí.

Flautuleikarinn Kristín Ýr og fiðluleikarinn Ragnheiður Ingunn hafa starfað sem listhópur Hins
hússins í sumar og leikið vítt og breitt um borgina, jafnt í miðbænum sem og á leikskólum og
hjúkrunar- og elliheimilum.
Á dagskrá hádegistónleikanna eru ýmis fjölbreytt verk sem eiga það þó flest sameiginlegt að hafa
verið samin á 20. öld. Verkin eru jafn ólík og þau eru mörg, en flutt verða klassísk verk, nútímaverk,
jazzverk og sönglög, útsett fyrir fiðlu og flautu. Meðal tónskálda sem flutt verða verk eftir eru
Shostakovich, Richard Rodney Bennett, Ian Clarke, Bítlarnir, Claude Bolling og Jóhann G.
Jóhannsson.
Dúóið hefur fengið góða gesti til liðs við sig en píanóleikararnir Herdís Ágústa Linnet og Ingibjörg
Ragnheiður Linnet munu leika með dúóinu í tveimur verkum.
Við vonumst eftir því að sjá sem flesta á þessum léttu og skemmtilegu lokatónleikum. Tónleikarnir
standa í um 45 mínútur og aðgangur er ókeypis.

Laufey Böðvarsdóttir, 17/7 2017 kl. 12.13

     

    Kirkjustræti, 101 Reykjavík.. Sími 5209700 , fax 5209701 · Kerfi RSS